Jareci: As në vitin 1997 nuk ndodhte diçka e tillë!

0

Sokol Jareci, dizenjatori i arbitrave në Federatën Shqiptare të Futbollit, i ftuar në emisionin “Rubrika Sportive” në RTSH , ka komentuar ngjarjen e ndodhur pas ndeshjes Kamza-Laçi, ku u godit gjyqtari Eldorian Hamiti.

“Deri pak para isha në spital. Pati një frikë, por është mirë. Ka ikur në shtëpi dhe do jetë në vëzhgimin e mjekëve”, tha Jareci fillimisht. “Nuk kemi parë as në vitin 1997 situata të tilla”, shton ai.  “Policia duhet të jetë garant për jetën e arbitrave, jo stjuartët”. 

“Kukësi-Laçi? Nuk është kamufluar goditja e Rexhës. Nuk është gjë normale. Nuk është rast sporadik, ndodhi gjatë ndeshjes. U mjekua dhe nisi loja. Ka ndodhur edhe në Vjenë, nuk futem te Komisioni i Disiplinës. As atyre nuk ju dënua fusha”, tha Jareci.

“Ka gabime të arbitrave, është pjesë e punës. Nuk i mbroj. Nuk luhet futboll vetëm në Superiore, por edhe në Kategoritë e tjera. Delegati duhet të flasë me 112, pastaj ata të njoftojnë Policinë e qytetit ku luhet ndeshja”.

“Kur ishte policia nuk kishte persona të huaj në stadium. Rastet kanë qenë më të pakta. Arbitrat janë në tension të madh”, theksoi Jareci.

You might also like

Leave A Reply

Your email address will not be published.