Laçi u rikthe te fitorja në Gjirokastër duke triumfuar falë golit të Ndriçim Shtubinës. 31-vjeçari realizoi golin e tij të tretë këtë edicion, por të dytin kundër Luftëtarit. Duhet thënë se bluzinjët janë “preja” e preferuar e Shtubinës që në 3 sezonet e fundit u ka shënuar 6 herë, por duhet përmendur që në total gjatë kësaj periudhe ka realizuar vetëm 11 gola. Flasim për ndeshjet e kampionatit.
Shtubina rezultoi sërish vendimtar, duke i dhënë një fitore me shumë vlerë skuadrës së tij. Te Laçi, 31-vjeçari duket se ndihet mirë dhe është i njëjti futbollist që kemi parë dhe te Vllaznia fjalëpak e punëshum. E kemi parë të luajë si mbrojtës, por dhe në çdo pozicion ku i kërkon trajneri të luajë.
31-vjeçari ka qenë titullar fiks këtë edicion, duke luajtur në 11 ndeshje. Pa diskutim që me eksperiencën e tij po e ndihmon shumë Laçin, që rikthehet te fitorja dhe këtë edicion do të kërkojë të përsërisë suksesin e një viti më parë, kur arriti në Kupat ne Europës.
