Arbër Zeneli ka shënuar një eurogol në ndeshjen kundër Emenit. 23-vjeçari i Herenvenit dhe përfaqësueses së Kosovës ka shënuar në minutën e 30 të ndeshjes së sotme, duke i dhuruar avantazhin ekipit të tij.
Herenveni ka fituar një goditje dënimi në krahun e djathtë të sulmit, që është ekzekutuar nga Zeneli. Të gjithë ishin rreshtuar në zonë për të pritur një krosim të shqiptarit nga Kosova, por Zeneli i ka befasuar të gjithë, madje dhe portierin kundërshtar, duke goditur në portë dhe shënuar një gol të mrekullueshëm.
Goli i dytë në kampionat për lojtarin e talentuar, ndërsa Herenveni vazhdon të kryesojë me golin e Zenelit dhe një fitore e mundshme e ngjit ekipin në vendin e pestë.
Ky gol na kujtojn atë realizim të Ronaldinjos në vitin 2002, kur Brazili luante kundër Anglisë! Për të gjithë ata që e kanë harruar ju a risjellim në kujtesë dhe një herë.