Elseid Hysaj shkëlqeu në ndeshjen e fundit të kampionatit në Serinë A, në fitoren 30 ndaj Kaliarit, duke qenë shumë pozitiv jo vetëm në fazën mbrojtëse, por edhe në sulm.
Kjo ka bërë që mbrojtësi ynë të përfshihet në formacionin më të mirë të fundjavës së shkuar në Serinë A, bazuar në notat e vendosura nga siti i specializuar në përpilimin dhe analizën e statistikave “ëhoscored.com”.
Mbrojtësi shkodran ka qenë një ndër 4 futbollistët e Napolit të përzgjedhur në formacionin e javës, me notën 7.4, ndërsa më i miri i javës u shpall mesfushori i Lacios, Luis Alberto.
