Laçi ka pësuar humbjen e parë në kampionat dhe normalisht kjo e ka prishur disi atmosferën në kampin bardhezi. Gjithsesi do të vinte momenti që do të ndodhte diçka e tillë dhe kurbinasit duhet të mendojnë për ndeshje e radhës.
Kapiteni Gentian Selmani, përmes një postimi në “Instagram”, kërkon t’i përçojë shokëve të skuadrës një mesazh. “Së bashku, të fortë, kurrë mos u dorëzo”, shkruan portieri i Laçit.
Deri më tani bardhezinjtë kanë grumbulluar 16 pikë, duke u renditur në vendin e katërt në kampionat. Objektivi kryesor i kurbinasve është pjesëmarrja në kupat e Europës dhe janë një nga kandidatët kryesorë për ta arritur diçka të tillë.
