Luis Hamilton ka siguruar një tjetër pole position. Britaniku dhe Mercedezi i tij tregohen sërish të pakapshëm, ndërsa Ferrari vazhdon të hasë probleme të mëdha.
1:11:767 është koha e regjistruar nga kampioni në fuqi në çmimin e madh të Gjermanisë. Nga vendi i dytë do të niset nesër Red Bulli i Maks Verstapen, ndërsa Valeri Botas regjistroi kohën e tretë më të shpejtë.
Probleme teknike pafund për Ferrarin. Çarls Leklerk u rendit në vendin e dhjetë, ndërsa Sebastian Vetel do të niset nga vendi i fundit në garën e nesërme të Hokenheim.
