Anderlehti pret Ostenden, ndeshje që luhet sot prej orës 14:00. Vendasit nuk do ta kenë as në këtë takim në dispozicion sulmuesin anësor Kristal Abazaj. Një javë më parë ish-lojtari i Luftëtarit mungoi për shkak dëmtimi. Edhe këtë herë nuk rezulton të jetë as në stol.
Kështu ai e ka humbur derbin me Sindrit Gurin, sulmuesin shkodran që është përzgjedhur sërish të jetë titullar. E pritshme diçka të tillë, pasi Ostende e bleu lojtarin e kombëtares te Kukësi për ta pasur sulmuesin kryesor. Një javë më parë ai arrit të jepte asist, ndërsa këtë herë do mundohet të gjejë rrugën e rrjetës.
