Mbasi nuk arriti akordin me Barcelonën për transferimin e Rafinjës, Betis ka hedhur sytë nga Mançester Siti. Oleksandër Zinçenko është objektivi i spanjollëve, të cilët kanë gati 12 milionë për të siguruar shërbimet e ukrainasit.
21-vjeçari luan në rolin e mesfushorit ofensiv, por Guardiola e ka kthyer në një mbrojtës të majtë. Zinçenko kërkon të luajë, por konkurrenca te kampionët e Anglisë është e madhe. Diçka e tillë mund ta shtyjë talentin e Guardiolës të pranojë ofertën e ekipit spanjoll, por duhet parë nëse Mançester Siti është i kënaqur me 12 milionë euro.
Me afrimin e ukrainasit, Betis do të përforconte mesfushën, por do të blindonte dhe krahun e majtë të mbrojtjes, ku për momentin në atë rol është vetëm Xhunior.