FOTO | Nuk ka më çështje “Trashi”, shqiptarët nuk ndryshojnë kurrë

0

Lorenc Trashi me shumë mundësi do të jetë gati që ndeshjen e radhës. Edhe pse mes 26-vjeçarit dhe klubit pati një krisje, tashmë duket se gjithçka është “sheshuar”. Kamerat e “Supersport” kanë paraqitur një moment ku trajneri Skënder Gega dhe mëngjarashi po diskutonin të dy në stolin e “demave”.

Një lajm i mirë për mbështetësit e kuq, të cilët shihen që të rikthehet harmoni sërish në skuadër. Trashi ka qenë një nga lojtarët më të rëndësishëm te Partizania, çka dëshmohet nga fakti se ka qenë titullar në të nëntë takimet e fazës së parë.

Edhe pse duhen edhe pak minuta që të nisë ndeshja, te sportelet pranë stadiumit “Selman Stërmasi” ka shumë tifozë. Shqiptarë nuk ndryshojnë kurrë, pasi e lënë gjithnjë për në minutën e fundit që ta marrin biletën, duke krijuar dhe situata jo të këndshme në hyrje dhe radhë që mund të shmanget lehtësisht, pasi biletat kanë dalë në shitje prej dy ditësh.

You might also like
Leave A Reply

Your email address will not be published.