Përgatitjet për gjysmën e dytë të kategorisë Superiore vijojnë intensivisht te skuadrat. Teuta dhe Kastrioti, kanë qenë dy ndër ekipet që kanë vendosur që fazën përgatitore, ta zhvillojnë brenda vendit, teksa ditën e shtunë do të luajnë një takim miqësor mes tyre.
Njoftimi është dhënë në faqet zyrtare të klubeve, ku ndeshja do të luhet ditën e shtunë në orën 13:30, në “Olympic Park” në Durrës. Ekipi i Teutës, më herët ka zhvilluar dhe një test ndaj Erzenit, të cilin e ka fituar me shifrat 2-1.
Ndërkohë, Kastrioti nga ana tjetër, ka luajtur një miqësore kundër Besës, të cilën e ka fituar me shifrat minimale 0-1, ku në këtë ndeshje ka debutuar dhe Bledar Devolli në stolin krutan.