Diego Armando Maradona është padyshim një ndër futbollistët më të mirë të historisë së futbollit. “El Pibe de Oro” ka luajtur në disa ekipe në karrierën e tij, ku njëri ndër ta ka qenë Argentinos Zhuniors, ekipi me të cilin debutoi si profesionist.
Këta të fundit e kanë nderuar shumë herë legjendën, teksa mjafton të kujtojmë faktin se stadiumi i tyre mban emrin “Estadio Diego Armando Mardona”, në nder të 58-vjeçarit. Gjithsesi, kryesia e klubit nga Buenos Aires, duket se ka bërë një tjetër gjest të veçantë në nder të Maradonës.
Tuneli që të çon në dhomat e zhveshjes ka në hyrje imazhin e legjendës argjentinase, normalisht me fanellën e Argentinos Zhuniors veshur. Diçka me të vërtetë speciale…
