Elozhet e Stankoviç: Çfarë rritje e Brozoviç, ky Inter sillet rreth tij!

Marselo Brozoviç po kalon një formë të mrekullueshme dhe kjo gjë vihet re thjeshtë, kur sheh Interin duke luajtur. Mesfushori është rritur shumë. Personalitet, përgjegjësi dhe qendra e mesit të fushës të ekipit të Spaletit.

Dejan Stankoviç, i cili është aktivizuar për nëntë sezone me zikaltrit, ka folur për “Gazzetta dello Sport”, duke komplimentuar Brozoviç për ndryshimin e stilit të lojës dhe rritjen e tij të madhe. Serbi vlerëson kroatin, më parë e cilësonte si një “mushkonjë”, i cili “pickon” çdo kundërshtar, ndërsa tashmë është kthyer në urën lidhëse të Interit.

Trajneri e vlerëson, shokët i besojnë, ndërsa tifozët e adhurojnë. Stankoviç flet në fund dhe për ndryshimin midis tij dhe Brozoviç.

BROZOVIÇ – “Marselo po arrin të bëjë gjithçka: jep ritëm dhe është i sigurt. Ai ka ndryshuar marsh, nuk ka më ulje-ngritjet e dy viteve më parë. Tashmë edhe nëse bën ndonjë gabim, nuk është problem. Ka besimin e të gjithëve, shokëve, tifozëve dhe kjo e shtyn të provojë gjëra të ndryshme. Tani e gjithë skuadra sillet rreth tij, por nuk duhet ta ngarkojmë me shumë presion.”

NDRYSHIMI – “Pjekuria të ndryshon për mirë. Ti nuk e kupton dhe kjo gjë ndodh papritur. Ndonjëherë mjafton të gjesh trajnerin e duhur, ose shokët e ekipit të cilëve iu beson. Më parë, Brozoviç luante më nga brenda, e quaja ‘mushkonja’, sepse vraponte pafund dhe bënte presing kudo. Jam dakord me Spaletin, bënte ‘shumë’. Tani nuk është më ‘mushkonjë’. Qëndron në mes dhe gjithçka kalon nga këmbët e tij.”

Stankoviç dhe Murinjo

NGJASHMËRITË – “Edhe unë kam ndryshuar shumë role në mesfushë. Me Zhozen (Murinjo) luaja në mesin e fushës. Me Brozoviç ngjajmë në diçka: nuk kemi frikë të provojmë gjëra të vështira, duhet karakter. Fizikisht isha më potent, kisha më pak probleme fizike dhe kisha një pasim më të gjatë se ai.”

INTERI – “Isha në Appiano Gentile të premten përpara derbit dhe pashë se si trajneri dhe lojtarët po përgatisnin ndeshjen, kujdesin për detajet dhe kjo gjë më impresionoi. Kampionati është i gjatë, por unë jam realist. Juventus është një nga favoritet për të fituar Champions-in, kështu që është normale të jetë favorite dhe në Itali. Por, kurrë mos thuaj kurrë. Do kenë momentet e tyre të vështira dhe Interi duhet të përfitojë. Spaleti ka dhe një pankinë të pasur, mund të ndërrojë 5-6 lojtarë pa rënë niveli i skuadrës dhe kjo mund të bëjë diferencën.”

Leave a Reply

Your email address will not be published. Required fields are marked *

where can i buy doxycycline over the counter buy doxycycline online