Eliminimi i Juventusit, klubi spanjoll “tallet” me Ronaldon

Ajaksi arriti një kualifikim të jashtëzakonshëm përballë Juventusit, duke eliminuar “Zonjën” dhe duke arritur gjysmëfinalet e Ligës së Kampionëve. Pas këtij eliminimi të Juventusit, vëmendja më e madhe e botës sportive është fokusuar pikërisht te bardhezinjtë, por dhe te ylli portugez, Kristiano Ronaldo.

Kjo dhe për faktin se “CR7” ka fituar 5 Champions League dhe erdhi te Juventusi si “copëza që mungonte”, pasi shpesheherë kampionët e Italisë kanë arritur në finalen e këtij kompeticioni, por nuk e kanë fituar.

Pas eliminimit, klubi i Kadizit në Spanjë ka publikuar një postim shumë provokues, por aq edhe gazmor, në drejtim të yllit portugez: “Mos u mërzit Kristiano, eja luaj për ne dhe do të fitosh”. Kaq ka mjaftuar që klubi spanjoll të marrë një vëmendje shumë të madhe në të gjitha platformat sociale.