Mikah Riçards ka qenë një ndër talentët më premtues të futbollit anglez, por me kalimin e viteve qendërmbrojtësi humbi shkëlqimin e dikurshëm dhe karriera e tij përfundoi në një spirale për poshtë që s’po njeh fund.
Mbrojtësi aktivizohet prej tri sezonesh te skuadra e Aston Vilës, por aktivizimi i fundit me këtë skuadër daton në dhjetorin e viti 2016. Dëmtimet e shumta, sjellja problematike, por edhe forma e dobët të bën të mendosh se kemi të bëjmë me një lojtar tjetër, por jo, është i njëjti lojtar, i cili debutonte me fanellën e “Tri Luanëve” pa mbushur 19-vjeç.
Riçards është një ndër lojtarët më të paguar te Vila. Ai përfiton rreth 2 milionë euro në sezon, pra edhe pse pa luajtur qoftë edhe një minutë në pothuajse dy vite, në llogarinë e tij bankare gjatë kësaj periudhe janë derdhur plot 4 milionë euro.