Ndodh shpesh që lojtarët të pësojnë dëmtime me kombëtaret e tyre dhe klubet vuajnë shumë nga kjo gjë. Kësaj radhe i ka takuar Interit të mërzitet për humbjen e një lojtari. Simo Vërsaljko është dëmtuar në ndeshjen kundër Anglisë.
Mbrojtësi i majtë është larguar nga fusha në minutën e 27, duke i lënë vendin Antonio Miliç. 26-vjeçari është përplasur me Markus Rashford dhe atij i është dashur të largohet.
Nuk bëhet akoma e ditur shkalla e dëmtimit të mbrojtësit të djathtë, por një gjë e tillë e ka bërë me dhimbje koke trajnerin Spaleti. Mungesa e tij është e rëndësishme, pasi ndeshjet e radhës janë kundër Frozinones, Totenhemit, Romës dhe Juventusit.