Besnik Hasi ka bërë mrekullinë sot në kampionatin arab të futbollit, pasi ka drejtuar skuadrën e tij në një përmbysje të çmendur. Kur ekipi i tij, Al Raed po humbiste 4-2, Hasi bëri ndërhyrjet e duhura dhe të besuarit e tij arritën të fitonin 4-5, në një fushë shumë të vështirë.
Në harkun kohor të tetë minutave, të besuarit e trajnerit shqiptar shënuan tri herë dhe përmbysën rezultatin. Hasi po bën një punë të mirë te skuadra e Al Raed dhe ka tërhequr vëmendjen e disa skuadrave, por dhe të kombëtares shqiptare të futbollit, pasi shihet si një kandidat i mundshëm për të marrë stolin kuqezi.