Ditmar Bicaj do të mungojë në ndeshjen e sotme për shkak kartonësh. Mbrojtësi shtatlartë foli patra ndeshjes për “Supersport” në emisionin “Gol pas goli” teksa tregoi se ekipi i tij është më i avantazhuar se Kukësi në këtë takim, sa i përket anës psikologjike. Në të tilla kushte. Bicaj vuri në dukje se presioni është në anën e kundërshtari.
“Kemi kaluar me një rreshtim ndryshe në këto 5 javë, me Osmanin para mbrojtjes, i cili ka shuam eksperiencë. Edhe pse është mbrojtës qendre, luan shumë mirë dhe para mbrojtjes. Në këto 5 javë kemi qarkulluar topin më shumë se kundërshtarët. Me spostimin e Osmanit ekipi ka fituar më shumë siguri. Nuk mund të thuhet se lojtarët nuk njihen me njëri-tjetrin. Po bëjmë një punë shumë të mirë”.
“Është ndeshje shumë e fortë. Kukësi çdo vit është pretendent për titull. Këtë edicion nuk është shumë komod në klasifikim. Vijmë më të avantazhuar në këtë ndeshje sa i përket anës psikologjike. Presioni është te kundërshtari dhe uroj ta shfrytëzojmë këtë gjë”.