Berisha tek Atalanta, për të çuar Papu Gomez te Lacio

0

Alehandro Gomez, me pseudonimin Papu, ka qenë një ndër zbulimet e Atalantës këtë sezon dhe tashmë e kërkon me ngulm Lacio. Sulmuesi i grumbulluar me kombëtaren argjentinase nuk është më një djalosh, pasi është 29 vjeç, ndaj oferta nga Lacio po e josh së tepërmi, për të mos e mbyllur karrierën në provincë.

Lacio e sheh si zëvendësin ideal të Keitasë, i cili është pranë largimit, por tashmë duhet gjetur marrëveshja me Atalantën, që kërkon 15-20 milionë euro.

Çelësi i transferimit të Paput te Lacio mund të jetë Etrit Berisha: portieri kuqezi ka shkëlqyer në sezonin e fundit, kur ishte në huazim në Bergamo. Tani Atalanta ka edhe pak ditë kohë për ta blerë, sepse më 20 qershor përfundon opsioni për blerjen me çmimin 5 milion euro.

Këtu Lacio mundohet të përfitojë, sepse ofron kartonin e Berishës, plus 6-7 milionë euro, për të marrë Gomezin. Bisdimet vazhdojnë, sepse Atalanta kërkon të paktën 10 milionë euro, por ndjesia është se gjithçka do të mbyllet me sukses shumë shpejt.

You might also like
Leave A Reply

Your email address will not be published.