Ertrit Berisha kreu një paraqitje mjaft të mirë në fitoren 2 – 1 të Atalantës në transfertën ndaj Bolonjës. “Lufta” me Golinin tashmë mund të quhet e fituar me gardianin shqiptar që ka rimarrë në pronësi kuadratin e skuadrës bergameske.
“Gazzeta Dello Sport” nuk i ka kursyer elozhet për portierin e kombëtares sonë, që në takimin e djeshëm regjistroi pesë pritje, duke i vënë atij notën shtatë, po aq sa dhe autori i golit të Atalantës, Duvan Zapata. Në shkrimin bashkangjitur notës: Pritja ndaj Palasios, në minutën e 80-të, në dalje si kamikaz, është pasqyra e ndeshjes së tij plot rezistencë.