Ronaldinjo dhe Rivaldo janë dy ndër sulmuesit më të mëdhenj të historisë së Barcelonës. Bashkëpunimi midis palëve vijon dhe sot, pasi të dy ish-futbollistët punojnë si ambasadorë të klubit, duke përfaqësuar Barcelonën në evente të ndryshme në të gjithë planetin.
Por, marrëdhëniet kanë pësuar një goditje të fortë. Sipas medies spanjolle “Sport”, klubi po mendon të ndërpresë marrdhëniet me dy brazilianët për shkak të mbështetjes së hapur, që Rivaldo dhe Ronaldinjo po i bëjnë kandidatit për karrigen presidenciale të Brazilit, Zhair Bolsonaro.
Bolsonaro është kritikuar shpesh në Brazil si një politikan populist, i cili ka mbajtur shumë fjalime me tone raciste dhe homofobike.