Bajerni i Mynihut është përfolur për transferimin e Leroj Sane së fundmi, me bavarezët që duken se kanë hasur një rezistencë të fortë të Mançester Sitit dhe tashmë sipas gjasave kanë hequr dorë nga gjermani.
Diçka të tillë e konfirmon “Bild” që gjithashtu shton edhe faktin se bavarezët janë hedhur në sulm për një tjetër lojtar, i cili ka pak a shumë karakteristikat e Sanes.
? El francés podría acabar en Múnich.
? El Bayern busca extremos tras la marcha de Robben y Ribery.https://t.co/P9a9AAMWec— AS (@diarioas) 26 juin 2019
Bëhet fjalë për Usman Dembele. Francezi duket se është objektivi i ri i Bajernit. Sulmuesi anësor nuk ndihet i lumtur te Barcelona, me këta të fundit që nuk do të ishin kundër një shitje të mundshme.
Kontaktet e para pritet të nisin në ditët në vijim. Gjermanët e shohin veten të avantazhuar, teksa kujtojmë që Dembele e njeh Bundesligan, si dhe te Bajerni do të gjente edhe shokun e tij në Kombëtare, Kingslej Koman.