Atletiko Madrid peshkon në Itali. “Los Colchoneros” janë hedhur në sulm për të siguruar shërbimet e Lorenco Insinjes. Oferta e parë duket se ka mbërritur në adresë të Napolit dhe sipas asaj që raporton “Il matino” Atletico ka ofruar 50 milionë euro.
Një ofertë e tillë, duket se nuk i kënaq pretendimet e Napolit dhe presidentit De Laurentis, që kërkojnë së paku 100 milionë euro. Sulmuesi anësor është nga të paktët lojtarë që nuk ka klauzolë në kontratën e tij me klubin italian.
Insinje deklaroi disa javë më parë që është lodhur duke përfunduar gjithnjë i dyti, shenjë e pastër që në fund të këtij sezoni mund të largohet nga klubi i kaltër, për t’u transferuar në një ekip më të madh.