Dilema për trajnerin e ri të Kukësit duket se ka marrë fund. Presidenti i klubit, Safet Gjici, ka vendosur t’i besojë stolin trajnerit Shpëtim Duro. Tekniku 59-vjeçar për herë të fundit drejtoi skuadrën e Dritës në IPKO Superliga (17 shtator 2018 – 14 shkurt 2019).
Strategu kryeqytetas pritet të zëvendësojë të larguarin Ernest Gjoka, i cili u “divorcua” me verilindorët pas eliminimit me dy ndeshje përballë Debreçenit në turin e parë kualifikues të Europa League.
Në Superiore, Duro ka drejtuar ekipet e Partizanit, Besës, Skënderbeut, Vllaznisë dhe Flamurtarit. Një trajner me shumë eksperiencë në futbollin shqiptar dhe Gjici e sheh këtë të fundit si trajnerin e duhur për t’i besuar stolin.
