Në prezantimin e tij si trajneri i ri i Juventusit, Mauricio Sarri dha një koment edhe për Kristiano Ronaldon. Tekniku italian u shpreh se të trajnosh një lojtar si Ronaldo është diçka ndryshe dhe një hap përpara.
“Te Çelsi kam drejtuar shumë lojtarë të mirë, por të drejtosh Kristiano Ronaldon është diçka tjetër dhe një hap përpara. Do të kisha dëshirë ta ndihmoja të thyente edhe disa rekorde të tjera. Kur ke në ekip lojtarë si Kristiano Ronaldo dhe Paolo Dibala, ata mund të luajnë në çdo rol.
Ajo që mund të ndryshojë është vetëm mënyra e interpretimit. Filozofia e lojës do të mbetet e njëjtë, vetëm se duhet ta përshtasim me karakteristikat e lojtarëve. Gjithçka mund të nisë me lojtarë si Ronaldo, Dibala, Dagllas Kosta dhe të ndërtojmë rreth tyre.”