Ish-futbollisti i Barcelonës, braziliani Rivaldo ka thënë fjalën e tij sa i takon çmimit të Kilian Mbape, i cili po vlerësohet 280 milionë euro. Rivaldo tha se kjo gjë është një çmenduri dhe as lojtarë si Mesi, Ronaldo dhe Nejmar nuk duhet të kushtojnë kaq shumë.
“As Mesi, Ronaldo ose Nejmar nuk duhet të kushtojnë aq shumë. Tregu i lojtarëve është kthyer në diçka të pakuptueshme dhe që të marrësh një lojtar të mirë, duhet të paguasht të gjitha paratë që ke, madje edhe të marrësh borxhe. Mbape 280 milionë euro te Reali, një çmenduri.
Mediat që shkruajnë lajme të tilla janë fajtoret, pasi po ndikojnë në çmimet e lojtarëve. Mbape është një lojtar shumë i mirë, vetëm 20-vjeç, por 280 milionë euro?! Kurrsesi. Kjo shumë nuk duhet të dëgjohet më në futboll!” , tha Rivaldo.
