VIDEO: Dy penallti dhe polemika, Junajtid “djersin” kundër Uest Hemit

0

Mançester Junajtid ka marrë një fitore shumë të vështirë 2-1 në “Old Trafford” përballë Uest Hemit. Të dy golat për “Djajtë e Kuq” u shënuan nga Pol Pogba me penallti, nga një për secilën pjesë.

Fillimisht, mesfushori francez u tregua i saktë nga pika e bardhë e penalltisë në minutën e 19’ të takimit, duke i dhënë avantazhin Mançester Junajtid. Ndeshja ishte shumë e luftuar nga të dyja skuadrat, por gola më në pjesën e parë nuk pati.

Sapo filloi fraksioni i dytë i lojës, Felipe Anderson barazon shifrat, duke shënuar një gol shumë të bukur. Sulmuesi brazilian konfirmohet dhe një herë tjetër si lojtari më i rëndësishëm i Uest Hemit. E kur dukej se ndeshja po shkonte drejt barazimit, gjqytari akordon një penallti të dyshimtë për “Djajtë e Kuq”. Pogba merr sërish përgjegjësinë mbi supe dhe në minutën e 80’, shënon dhe i jep fitoren Mançester Junajtid, që pas 33 javësh kampionat, ngjitet në vend të pestë në kuotën e 64 pikëve.

Premier League, java 33

Man. Junajtid – Uest Hem  2-1
Pogba (pen.) 19’ 80’ / Anderson 49’

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.