UEFA nuk është mirë: supergjobë Beshiktashit se u fut një mace në fushë!

0

Në muajin mars Beshiktashi priste Bajernin në një ndeshje të Ligës së Kampioneve dhe një ndër gjërat më zbavitëse ishte futja në fushë e një maceje. Kafsha kureshtare vrapoi për një moment në fushë dhe bëri që të ndalej loja, por aq u desh që në faqen e Bajernin tifozët ta zgjidhnin Lojtari i Ndeshjes.

Megjithatë, UEFA nuk qenka zbavitur fare, sepse i ka vendosur një gjobë prej 34 mijë eurosh Beshiktashit, me justifikimin se masat organizative nuk ishin të mjaftueshme. Me sa duket, një gabim njerëzor i arbitrit është normal, por një mace që kalon rojet e sigurisë qenka një krim.

Gjoba përfshin edhe hedhje objektesh dhe bllokim shkallësh të stadiumit.

Komik është fakti se në ndeshjen Bajern Mynih-Real Madrid një tifoz u fut në fushë dhe një parullë e paligjshme u shfaq në tribuna, por për UEFA-n këto shkelje vlejnë vetëm 25.000 euro.

Edhe Roma është gjobitur me 7.000 euro për ndeshjen kundër Shahtar Doneck në Romë, pasi fëmijët që kapin topat vononin lojën.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.