Iniesta “Perandor” në Kinë, miliona për futbollin dhe verën e tij

0

Një klub i Superligës kineze i ka bërë një ofertë të pabesueshme Andres Iniestës, për ta bindur të transferohet në Superligën kineze. Jo vetëm kontratë me shifra stratosferike, por edhe ofertë për të blerë 6 milionë shishe vere nga kantina personale e Iniestës.

Mesfushori legjendar sapo ka zyrtarizuar largimin nga Barcelona, pas 15 vitesh aty, ndërsa e ka pranuar se do të vijojë të luajë futboll në Azi.

Chongqing Dangdai Lifan i ka ofruar mesfushorit 27 milionë euro neto në sezon për tre vitet e ardhshme, ofertë e pabesueshme.

Nuk mbaron me kaq, sepse sipas El Mundo Deportivo-s klubi kinez kërkon ta mbyllë sa më shpejt marrëveshjen dhe ka shkuar deri aty sa t’i ofrojë Iniestës edhe një kontratë për blerjen e 6 milionë shisheve verë nga kantina “Bodega Iniesta”, me kosto 6 euro secila. Ofertë e çmendur, zor se Iniesta do të refuzojë.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.