Ljuis Hamilton ka marrë kryesimin e Kampionatit Botëror në Formula 1, pas një triumfi dramatik sot në Çmimin e Madh të Azerbajxhanit.
Piloti anglez pati fat, sepse e mori fitoren si dhuratë, falë daljes nga gara e Valteri Botasit, i cili po kryesonte garën, ndërsa Sebastian Fetel zbriti në vendin e katërt, kur po tentonte të parakalonte Botas.
Pesë xhiro para fundit gara u bë lëmsh, sepse makinat Red Bull të Maks Verstapen dhe Daniel Rikardos u përplasën, në një garë të çmendur, me dy shokët e skuadrës që luftuan gjatë gjithë garës dhe kishin pasur kontakt edhe më parë.
Dy xhiro nga fundit Botas doli nga gara dhe përfitoi Hamilton, që merr fitoren e katërt sezonale, ndërsa pas tij e mbyll Raikonen, me një ngjitje të pandalshme, sepse mbeti shumë pas në fillim, pas një aksidenti. I treti Perez me Force India.
RACE CLASSIFICATION (LAP 51/51)
What drama! WHAT A RACE!#AzerbaijanGP ?? #F1 pic.twitter.com/iXRDA8ZUpS
— Formula 1 (@F1) April 29, 2018