Gol dhe dëmtim, edhe festa kthehet në makth tek Hamburgu

0

Histori fatkeqe nga Bundesliga, ku si rastësisht gjithçka lidhet me Hamburgun. Klubi i famshëm ka vite që rrezikon rënien nga Bundesliga dhe e ka nisur sezonin me eliminim nga kupa, ndërsa në atë takim u dëmtua edhe Mërgim Mavraj.

Dje Hamburgu fitoi 1-0 ndaj Augsburgut, duke marrë 3 pikët e para të sezonit, por festa u zbeh nga ngjarja e çuditshme me autorin e golit, mesfushorin e rëndësishëm Nikolai Myler.

Në minutën e tetë Myler shënoi dhe gjatë festimit me disa pirueta ra keq dhe ndjeu dhimbje të forta në gju. Shokët po festonin mbi të, kur e kuptuan që diçka nuk shkonte dhe thirrën stafin mjekësor.

Zëvendësim i menjëhershëm, ndërsa pas ndeshjes erdhi lajmi tronditës: “Myler ka këputur ligamentin krocat në gjurin e djathtë dhe do të mungojë rreth 7 muaj”. Më ters se kaq nuk ka, sepse Myler mund të shitej për disa milionë euro këto ditë, duke qenë se refuzonte rinovimin.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.