Pak momente më parë është hedhur shorti i fazës finale të formatit “UEFA Nations League”, ose siç e njohim ndryshe Liga e Kombeve. Në kryeqytetin irlandez, konkretisht në Dublin goglat kanë nxjerrë çiftet gjysmëfinaliste, të cilat do të diskutojnë mes tyre trofeun e kompeticionit më të ri të kombëtareve.
Anglia do të ndeshet me Holandën në një sfidë, e gjitha për t’u shijuar, ndërsa Portugalia është vendosur përballë Zvicrës. Ndeshjet do të zhvillohen në verën e vitit të ardhshëm në Portugali, ku është vendi që është vendosur si pritës i fazës finale të Ligës së Kombeve.