E mbani mend një ndeshje të Real Madridit në nëntor, në Kupën e Mbretit, kundër Fuenlabradas? Kush është ky, do thoni… Klub modest në divizionin e tretë spanjoll, që kur shorti e vendosi përballë Realit festoi sikur të kishte fituar Kupën e Botës. Nuk i interesonte askujt kualifikimi, normale, thjesht të luajturit në Bernabeu ishte plotësimi i një ëndrre të madhe.
Pikërisht në Bernabeu Fuenlabrada shënoi 2 gola, duke barazuar bujshëm 2-2, edhe pse përballë ishin rezervat e Realit.
Tani klubi i vogël spanjoll bën humor dhe vë në lojë PSG-në, që mbrëmë u mund 3-1 në Madrid.
“E pra, po, PSG shënoi një gol më pak se ne në Madrid”, shkruan në faqen e vet në Twitter Fuenlabrada.
Nejmar me shokë duhet t’ua japin përgjigjen në ndeshjen e kthimit.
Pues sí, el @PSG_insise marcó menos goles que nosotros en el Bernabéu ?? #LaChampionsNoEstaTanLejos?
— C. F. Fuenlabrada (@CFuenlabradaSAD) February 14, 2018