Dredhi e shëmtuar, frena kundërshtarit dhe pezullim në Moto 2

0

Në sport kemi parë lloj-lloj dredhish e hilesh, për të ndalur rivalët dhe për të pasur ndonjë avantazh, por nuk kishim parë kurrë që një pilot në garat me motorë të frenojë motorin e… rivalit!

E bëri piloti Romano Fenati në Moto 2, i cili këtë fundjavë kreu një gjest absurd, duke zgjatur dorën për t’i kapur frenat motorit që kishte pranë, duke tentuar ta ndalojë.

Në garën e San Marinos, para MotoGP, Fenati iu afrua motorit të Stefano Manxit dhe i mbërtheu frenat, në një skenë mjaft të rrezikshme për të dy pilotët, që ishin duke garuar për vendin e 12-të.

Natyrisht, gjithçka u pa në televizion dhe drejtuesit e garës e skualifikuan, ndërkohë që mund ta pezullojnë gjatë, sepse bëhet fjalë për një pilot problematik.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.