Ansi Nika zyrtarizon largimin nga Laçi

0

Kontrata i kishte përfunduar që muajin e shkuar, por sot Ansi Nika ka folur vetë në lidhje me të ardhmen e tij. Mesfushori shkodran ka postuar në Facebook një mesazh lamtumire për Laçin dhe tifozët.

Faleminderit KF Laçi! Faleminderit për mirënjohjen te gjithëve, për përkrahjen dhe mbështetjen që më keni dhënë këtë vit, duke filluar nga presidenti, shefi i klubit, trajneri dhe shokët e ekipit, ku kalova 6 muaj të paharrueshëm. Arritëm atë që askush nuk e besonte: qëndrimin në Superligë. Dua t’i falënderoj tifozët në veçanti! Faleminderit të gjithëve!”, shkruan mesfushori, i cili e nisi sezonin te Tirana dhe luajti shumë pak, por bëri zgjedhjen e duhur duke shkuar në Laç, ku u bë një lojtar kyç, duke luajtur në 15 ndeshje e duke shënuar edhe një gol.

Tashmë Nika është në pritje të ofertave, me Vllazninë që ndoshta do t’i propozojë rikthimin në shtëpi.

 

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.