Hernanes ishte një nga goditjet e para të mëdha të Igli Tares si drejtor sportiv i Lacios. Shqiptari transferoi brazilianin nga Sao Paolo në gushtin e vitit 2010 për shumën e 11 milionë eurove.
Mesfushori ofensiv zhvilloi sezone pozitive në kryeqytetin italian, ndërsa më pas erdhën kalimet tek Interi, Juventusi dhe eksperienca kineze me Hebei Fortune.
33-vjeçari e ka mbyllur me Kinën dhe ka arritur akordin me një klub të ri, që në fakt është klubi i parë në karrierë i lojtarit. Hernanes është rikthyer në vendlindje dhe ka firmosur kontratën e re me Sao Paolon, ekipin më të cilin u bë i famshëm.
Zyrtarizimi i marrëveshjes ka ardhur nga vetë klubi brazilian, që ka postuar në faqen e saj në rrjetet sociale akordin me Hernanes, ose i njohur ndryshe si “Profeti”.
Se ainda tinha alguém com alguma dúvida de que tudo isso realmente aconteceu, em 2019 ele estará vestindo essa camisa. #PROF3TIZADO pic.twitter.com/oZwFBqoN1Z
— São Paulo FC (@SaoPauloFC) December 29, 2018