Gjykata këtë herë nuk ka çfarë bën. Padia e bërë nga Kristian Panuçi për ish-presidentin Bujar Nishani është pranuar këtë herë, pasi avokati i trajnerit të kombëtares ka bërë plotësimet e duhura në dosjen e dorëzuar.
Tashmë palët do të përballen në gjykatë dhe Panuçi ka kërkuar një dëmshpërblim prej 100 mijë eurosh. Nga ana tjetër Nishani duhet të përgatitet për mbrojtjen në Gjykatë. Për këtë do të ketë një afat prej 30 ditësh. Mbetet për t’u përcaktuar data e gjyqit.
Ish-presidenti e quajti sharlatan Panuçin pas humbjes që Shqipëria pësoi me Kosovën dhe trajneri italian nuk ngurroi dhe e dërgoi çështjen në gjyq.
