Egnatia ka zyrtarizuar afrimet e Abaz Karakaçit dhe Klejdi Branicës. Mesfushori shkodran dhe sulmuesi peqinas janë përforcimet më të fundit që do të vihen në urdhrat e trajnerit Vladimir Gjoni.
Egnatia ka qenë një ndër ekipet më aktive në këtë merkato në kategorinë e parë. Klubi rrogozhinas ka afruar dhe lojtarë të tjerë me emër, ndër ta Canka, Agastra dhe ish-kapiteni i Apolonisë Amarildo Dimo.
Këtë sezon në ndryshim nga ai kaluari Egnatia do të luajë në grupin e jugut, ku do të luftojë ndaj Bylisit, Tomorrit, Lushnjës dhe Besës për një vend në Superiore.