Zyrtare: Nisin largimet, Partizani e mbyll me të parin

Partizani ka nisur bisedimet me lojtarë të ndryshëm për të mbyllur kontratat. I pari që nuk do të jetë më pjesë e të kuqve në vazhdim është mbrojtësi Alma Uakili, i marrë në verë nga Shkëndija e Tetovës. As në Maqedoni nuk kishte luajtur, por te Partizani besuan se mund të ishte një alternativë e mirë për ta.

“Klubi njofton përfundimin e bashkëpunimit me Alma Abo Uakili. Mbrojtësi i majtë 22 vjeçar dhe klubi kanë vendosur të ndërpresin me mirëkuptim marrëveshjen mes tyre, për pjesën e mbetur të këtij sezoni. Klubi i uron Alma Abo Uakilit suksese të mëtejshme në karrierën e tij sportive”, shkruan klubi i Partizanit në faqen zyrtare.

Uakili as që e pati mundësinë të debutonte me ekipin e parë. Gjithsesi nuk duhet harruar se ai pati edhe një dëmtim që e penalizmi. Në klub e kanë parë të arsyeshme ta mbyllin bashkëpunimin që tani. Me Trashin titullar në krahun e majtë të mbrojtjes, si dhe me Kalarin alternativë, nigeriani është pari i tepërt.