Braziliani Ze Maria, është shumë pranë shkarkimit nga posti i trajnerit të kampionëve të vendit. Drejtuesit e klubit janë vënë në kërkim të emrave të rinj dhe e vetmja gjë që e mban teknikun në punë për momentin është kontrata.
45-vjeçari ka drejtuar sot seancën stërvitore dhe u tregua shumë i rezervuar me gazetarët , duke thënë vetëm : “U takova me presidentin dhe diskutova disa çështje, por me falni se tani duhet te drejtoj stërvitjen”.
Nuk do shumë mend për të kuptuar se arsyeja e takimit midis dy palëve është prishja me marrëveshje e kontratës. Në ditë në vazhdim pritet të ketë të tjera të reja nga kjo situata në kampin bardheblu.