Lansinet Sidibe do të luajë edhe sezonin e ardhshëm në Kategorinë Superiore. Mesfushori nga Guinea është marrë nga Teuta në huazim, pasi durrsakët e kanë bindur klubin e Besëlidhjes.
“Klubi zyrtarizon marrëveshjen me lojtarin Lansinet Sidibe. Mesfushori 21-vjeçar, i cili sezonin e kaluar ishte titullar i ekipit të Flamurtarit, do të jetë pjesë e Teutës”, shkruhet në njoftimin e klubit durrsak.
Sidibe spikati vjet me Flamurtarin, teksa luajti në të gjitha ndeshjet që ishte i gatshëm si titullar. Mesfushori bashkohet te Teuta me Seku Kamara, me të cilin ishte shok ekipi edhe vjet në Vlorë, por edhe te Besëlidhja më parë.