Marko Asensio ka një lidhje të veçantë me Holandën, pasi mamaja e djaloshit të lindur në Majorka ka qenë një shtetase holandeze. Në ndeshjen në Amsterdam kundër Ajaksit, sulmuesi i Real Madrid gjeti rrugën e rrjetës, ndërsa në fund të takimit klubi madrilen kishte përgatitur një surprizë të bukur për të.
Gjyshja holandeze e futbollistit kishte qenë e ftuar speciale në këtë takim, ku pa nipin e saj të shënonte. Në fund të ndeshjes e moshuara takoi Asension dhe përveç komplimenteve e puthjeve të shumti, ajo bëri dhe një shaka që shkriu të gjithë pranishmit”
Gjyshja: “Marko hajde më tako më shpesh.”
Asensio: “Kur të mbarojë shtëpia e re?”
Gjyshja: “Jo jo jo, s’mund të vonohesh kaq shumë kësaj here. Të lutem jo, ndoshta s’do të jem gjallë deri atëherë”, tha gjyshja me shaka duke bërë që të gjithë të pranishmit që kuptonin gjuhën holandeze të shkriheshin në të qeshura.