River Plejti nuk shkoi më shumë se një barazim 1-1 në transfertën përballë Rosiario Sentral në kampionatin argjentinas të futbollit. Kjo pikë i ngjit kampionët e Kupës Libertadores në vendin e gjashtë me 29 pikë, 13 pikë larg Rasingut kryesues.
Ndeshja kundër Rosarios u zhvillua nën një atmosferë të zjarrtë dhe në një stadium të tejmbushur. Një episod i veçantë ka ndodhur gjatë minutave të para të pjesës së dytë dhe arbitrit kryesor i është dashur të ndërpresë sfidën për disa momente.
Një tifoze e Rosarios është futur në fushë. Forcat e sigurisë i janë vënë pas, por kanë vuajtur paska për ta kapur. Sigurisht, për shkak të shpejtësisë së saj. Tifozja gjysme e zhveshur ka festuar në fushë dhe ka sjellë ilaritet në shkallët e stadiumit.
Lojtarët e të dy ekipeve kanë qëndruar pa lëvizur në fushë, ndërsa rritja e numrit të forcave të sigurisë ka sjellë dhe fundin e aventurës së tifozes së çmendur. Ajo është shoqëruar jashtë fushës së blertë dhe ndeshja ka rinisur.