Mançester Siti prej disa kohësh po përqendrohet shumë në zhvillimin e të rinjve dhe shembulli më i mirë është padyshim Fil Foden. 18-vjeçari luajti si titullar dje ndaj Totenhemit, ku edhe shënoi golin e fitores për ekipin e tij.
Tashmë, “Citizens” kërkojnë të peshkojnë në Argjentinë një tjetër lojtar për të ardhmen. Tiago Almada, 17-vjeçari i cili konsiderohet si Mesi i ri është objektivi kryesor i kampionevë të Anglisë.
Almada luan për Velez Sarsfilld si sulmues dhe këtë sezon ka zhvilluar 16 ndeshje, duke shënuar 3 gola. Për talentin thuhet se Siti ka gati plot 20 milionë sterlina, me Velez që zor se mund të refuzojë një ofertë aq të majme.