Edhe pse ishte diçka që pritej, sot UEFA ka shpërndarë dhe golin, që është përzgjedhur si më i bukuri i javës së fundit të fazës së grupeve të Champions League.
Osman Dembele realizoi një gol fantastik ndaj Totenhemit. Francezi shfrytëzoi një kundërsulm, u shkëput si raketë, bëri çfarë deshi me mbrojtësit anglezë dhe finalizoi me një qetësi të jashtëzakonshme.
Sulmuesi i Barçës ka qenë në qendër të vëmendjes këto kohë, për sjelljet jashtë fushës së blertë, por me këtë gol, duket se i ka “zbutuar” disi ata që e kishin sulmuar, pasi tregoi dhe një herë se talenti nuk i mungon, por vetëm i duhet që të rritet edhe pak, sidomos në aspektin psikologjik .
https://twitter.com/SportsCentralT/status/1072584320412499969