Boksi nuk lë vend për tallje. Në ring gjithçka mund të marrë fund nga një grusht i vetëm. Pavarësisht natyrës së egër të këtij sporti, ka nga ata boksierë që hera herës fillojnë të zbaviten e ta lënë seriozitetin mënjanë.
Megjithatë një mësim i vlefshëm për të gjithë praktikuesit e këtij sporti vjen nga Anglia. Dueli midis anglezit Sem Maksuell dhe francezit Sabri Sediri rezultoi një spektakël i vërtetë. Të dy boksierët vinin të pamposhtur, por Maksuell ishte favorit për shkak të një CV-je më të mirë dhe faktit që dueli zhvillohej në Angli.
Gongu bie dhe francezi Sediri habit duke e rrëzuar kundërshtarin e tij në raundin e parë dhe të dytë, ndërkohë që dhe në disa raunde të tjerë ishte më dominuesi. Dueli shkon në raundin e 10-të e të fundit. Maksuell duket se nuk kishte asnjë shans dhe vetëm një nokaut mund ta shpëtonte, por Sebiri bën një gabim fatal duke e provokuar me lëvizje tallëse vetëm pak sekonda para se të binte gongu përfundimtar.
Woooooow! ?
Sam Maxwell was losing and being taunted by his opponent all fight and then did this with 10 second to go!
Incredible knockout ? pic.twitter.com/qM069RZnQK
— Boxing on TNT Sports (@boxingontnt) March 23, 2019
Një e djathtë e fuqishme e Maksuell e lë të shtrirë në tokë francezin, Sebiri ia del të ngrihet me vështirësi, por dallohet që trullosja është aq e madhe sa nuk i lë mundësi për të vazhduar duelin dhe gjyqtari i jep fund duelit duke akorduar nokaut teknik për anglezin.