Barcelona është mundur sot në mbrëmje 2-0 nga Sevilja, në vajtjen e çerekfinaleve të Kupës së Mbretit dhe tashmë misioni i kualifikimit bëhet shumë i ndërlikuar.
Sevilja është një skuadër mjaft cilësore dhe çdo ekip vuan në Estadio Ramón Sánchez Pizjuán, ndaj ishte një befasi e madhe zgjedhja e trajnerit Ernesto Valverde për të lënë në shtëpi Leo Mesin dhe në stol Kutinjo e Luis Suarez.
Në sulmin blaugrana debutonte, si “pykë”, Kevin-Prins Boateng, me Karles Alenja dhe Malkom në krahë. Zgjedhje e gabuar, sepse Sevilja e pati të lehtë të kontrollonte sulmet katalanase dhe në pjesën e parë meritonte avantazhin, edhe pse rastin më të mirë të ndeshjes e pati Malkom, që gjuajti jashtë, i vetëm me Sorianon.
Në pjesën e dytë presioni i Seviljes erdhi në rritje dhe në minutën e 58-të Promes krijoi golin e shënuar nga Sarabia.
?? #Sevilla 1:0 #Barcelona | #CopaDelRey | Quaterfinals | First Leg | #Sarabia, 58#SevillaFCBarca
via @VideoGoals_HD
telegram : https://t.co/DAVwTMm8fd pic.twitter.com/c75k3WLEHI— via @VideoGoals_HD (@viaVide43733766) January 23, 2019
Në minutën e 63-të u futën Kutinjo dhe Luis Suarez, çka ndryshoi shumë në ritmin e ndeshjes, por në minutën e 76-të Ben Jeder dyfishoi, kundër rrjedhës së lojës. Banega kërkoi portën, topi u devijua dhe shkoi tek Ben Jeder, që nuk fali.
?? #Sevilla 2:0 #Barcelona | #CopaDelRey | Quaterfinals | First Leg | #BenYedder, 76#SevillaFCBarca
via @VideoGoals_HD
telegram : https://t.co/DAVwTMm8fd pic.twitter.com/DwLOazjKQv— via @VideoGoals_HD (@viaVide43733766) January 23, 2019
Tani Barça ka një mision të ndërlikuar, në Camp Nou i duhet të shënojë të paktën 2 gola pa pësuar. Gjithsesi, me formacion të plotë dhe me Mesin në fushë nuk ka asgjë të pamundur.