Aleksandër Arnold ishte arkitekti i atij goli të befasishëm që vulosi kapitullimin e Barcelonës, duke e çuar rezultatin në 4-0. Mbrojtësi i krahut ekzekutoi një asist “shah mat”, kur ja dërgoi topin Orixhit, i cili thjesht e shtyu në rrjetë. Të gjithë flisnin për lëvizjen e zgjuar të 20-vjeçarit anglez.
Por nuk është vetëm Arndold heroi i atij goli historik. Nëse shikon përsëritjen, dallon një djalë që ja jep topin atij shumë shpejt edhe pse një sferë tjetër ishte në fushë. Ky veprim i të riut e ndihmoi yllin e “the reds” të kapte në befasi ekipin katalanas.
Nëse djaloshi nuk do e kishte dhënë atë top, por do priste të kthehej ai që ishte në fushë, nuk do të ekzistonte mundësia e shënimit të atij goli. Shumë njerëz në “Twitter” kanë propozuar që djalit t’i dhurohen dy bileta për të shijuar finalen. Në fund të fundit edhe ai ka hyrë në histori.
The ball boy was on his job ? Liverpool need to give him a season ticket for life after that ??
— Alexis’ Kavkas View (@AlexisIsKavkas) May 8, 2019