Brazili ka argëtuar të pranishmit në Porto Alegre me një fitore spektakolare me shifrat 7 – 0 ndaj Hondurasit në një takim miqësor. Mungesa e të dëmtuarit Nejmar nuk u ndje në këtë ndeshje me Brazilin që dhuroi spektakël nga minuta e parë në të fundit.
Ky ishte takimi i fundit miqësor i Seleçaos para turneut “Copa America”, që do të fillojë më datë 15 qershor. Trofeu është detyrim për skuadrën e Tites, pasi ky turne këtë vit zhvillohet në Brazil.
BRAZIL 7 – 0 Honduras
Shënues: Zhezuz 6’, 47’, Silva 13’, Kutinjo 37’ (pen), Neres 56’, Firmino 65’, Riçarlison 70’