Kukësi mund minimalisht Skënderbeun falë një 11-metërshi të shndërruar në gol nga Uilliam Kordeiro. Skuadra e Armando Cungut ka mundur që të marrë 3 pikë me shumë vlerë, ndaj një kundërshtari direkt për titull. Në stadiumin e Kamzës, verilindorët gjetën jo vetëm fitoren por dhe mbështetjen e tifozëve, që këtë edicion u ka munguar jo pak.
Pjesa e parë nisi me ritëm të ulël, me skuadrat që prodhuan pak në vijën e sulmit. Të dyja ekipet ishin disi të ndrojtura, duke u kujdesur fillimisht për të lënë hapësira pas. Bregu dha shkëndijën e parë me një goditje nga brenda zone, por Shameti ndali topin që po shkonte drejt porte.
Ethemi në krahun tjetër krijoi një situatë të rrezikshme, por tetovari u vonua dhe e humbi mundësinë për të goditur. Rasti më i mirë për të shënuar do i takonte vendasve, me Dzarian që shpërdoroi një mundësi fantastike shënimin. Teqja gaboi në tentativën për të larguar topin, duke e çuar topin te Çyrbja, me anësorin që shërbeu për gjeorgjianin, i cili ndonëse i vetëm me portierin mik nuk arriti dot që të shënonte.
Me fillimin e pjesës së dytë erdhi dhe momenti që do të vendose fatin e këtij takimi. Teqja u vonua për të larguar një top në zonën e tij, duke i dhënë mundësinë Ethemit që ta kontrollojë dhe ta detyrojë “gardianin” e korçarëve që të ndërhynte në mënyrë të parregullt. 11-metërsh për Kukësin dhe Kordeiro mori përsipër ekzekutimin.
Braziliani u tregua i saktë nga pika e bardhë e penalltisë, duke kaluar kuksianët në avantazh. Festë e ligjshme në stadiumin e Kamzës, me tifozët që gëzuan me lojtarët e tyre.
Pas këtij momenti frenat e lojës i mori Skënderbeut që kishte më shumë guxim për të sulmuar, pasi nuk kishte çfarë të humbiste. Kukësi ishte i ndrojtur dhe preferoi që të tërhiqej pas, duke e menaxhuar lojën deri në sekondat e fundit të ndeshjes.
Kukësi arrin Skënderbeun në klasifikim dhe e sheh Partizanin 4 pikë larg, por me demat që do të zbresin në fushë nesër. Javën e ardhshme Kukësi do të sfidojë “demat” dhe fitorja e sotme duket si një mesazh edhe për ta, pasi verilindorët thyen kampionët në fuqi. Skënderbeu pëson humbjen e dytë radhazi dhe të tren në pesë ndeshje.
KATEGORIA SUPERIORE – JAVA 16
E premte, më 7 dhjetor
Ora 14:00, stadiumi i Kamzës
KUKËSI 1–0 SKËNDERBEU
Shënues: Kordeiro 54′
KUKËSI: Frashëri, Maliki, Krasniqi, Shameti, Cuculi, Limaj (Shkodra 77′), Dzaria, Kordeiro, Çyrbja, Ethemi, Shpehar (Rexhinaldo 67′). Trajner: Armando Cungu. Të gatshëm: Maloku, Rrumbullaku, Qaqi, Zguro, Kalaja.
SKËNDERBEU: Teqja, Vangjeli, Sambou, Aliti, Abazi, Muzaka (Guindo 74′), Dita (Guexh 81′), Demte, Fili, Bregu, Oto Xhon (Gripshi 71′). Trajner: Orges Shehi. Të gatshëm: Dajsinani, Ajziraj, Lulaj, Ziko.
Kartonë të verdhë: Kordeiro 14′, Shpehar 66′ / Dita 34′
GJYQTARË: Juxhin Xhaja, Denis Rexha, Arber Zalla, Emirion Sino.
Delegat: Marjus Sulejmani;
DIREKT
55′ – Ethemi fiton një 11-metërsh, Kordeiro tregohet i saktë nga pika e bardhë e penalltisë.
39’ – Fili tenton të befasojë me një goditje nga distanca, topi përplaset në tokë dhe grushtohet nga Frashëri me vështirësi, në vazhdimësinë e aksionit Bregu është më i avancuar se mbrojtja e Kukësit.
27’ – Teqja largon në mënyrë të gabuar topin, me tyrben që menjëherë vertikalizon për Dzarian, i cili i vetëm me portierin mik nuk arrin të shënojë. Një rast ideal për shënim.
25’ – Limaj ekzekuton saktë një goditje dënimi për Krasniqin, i cili hedh topin në zonë, ku tenton Dzaria, i cili shërben për Ethemin, me tetovarin që nuk arrin të godasë siç duhet.
3’ – Pas harkimit nga e djathta, Bregu godet bukur, por topi ndalet nga një prej mbrojtësve kuksian. Ka pretendime nga miqtë për një prekje të topit me dorë, por gjyqtari kishte të drejtë, duke vijuar lojën.