Mançester Junajtid me shumë gjasa duhet të mjaftohet me “Europa League” sezonin e ardhshëm, pasi humbja e turpshme 4-0 kundër Evertoni e largon edhe më shumë me katër vendet e para në Premier League.
Që kur Ole Gunar Solskjaer nënshkroi si trajner me kohë të plotë i Junajtid, skuadra ka pësuar një rënie drastike. Ndeshja e sotme kundër Evertonit ishte totalisht për t’u harruar.
Riçarlison, Sigurdson, Dinje dhe Uollkot ishin autorët e golave për Evertonin, që po ashtu synon një vend në Europë, pasi tashmë është në vend të shtatë dhe shumë pranë “Europa League”.